Os tres equipos do Antela, os adestradores e a directiva, máis algúns dos veteranos, celebraron o venres pola noite na Moreira o magosto de confraternización de cada mes de novembro. Foi despois da última sesión preparatoria dos tres equipos, que esta fin enfrontan compromisos importantes nas súas respectivas competicións para avanzar no camiño dos obxectivos.
Cociñou a directiva e celebraron futbolistas e técnicos no bar do Estadio da Moreira, que a medida que o club medra vaise quedando pequeno, baixo os focos da torre oeste nunha noite morna dun outono que promete ser inesquecíbel.
Vexan: o primeiro equipo disputou once partidos e non perdeu ningún (na Copa, o poderoso Barco, líder da Preferente, só puido impoñerse nos penaltis), marcha líder. O filial xogou dez partidos e perdeu tres, un ritmo que o coloca entre os catro primeiros, en posto de promoción, e que de continuar halles permitir aspirar ao ascenso. O xuvenil podería hoxe mesmo amarrar unha praza no grupo de oitos equipos que loitará polo ascenso na segunda fase, e tamén vai invicto despois de nove partido, segundo na clasificación.
A festa, no Dende A Limiahttps://www.dendealimia.com/texto-diario/mostrar/5072753/antela-tamen-celebrou-magosto
Fonte: antela.fala.gal
