A biblioteca municipal de Xinzo de Limia celebrará este mércores, 28 de outubro, o Día das Bibliotecas cunha xornada especial dedicada ao alumnado do CEIP Carlos Casares.
A programación contará con diversas actividades para tres grupos de Educación Primaria, baseadas en contos infantís como O monstro de cores e Nicolás vai á biblioteca. O obxectivo desta iniciativa é achegar aos máis pequenos o funcionamento da biblioteca e fomentar o hábito de lectura entre os escolares.
Novas achegas bibliográficas:
Ademais, a biblioteca recibiu recentemente unha doazón de dous novos libros por parte do escritor local Johan Xesús Arias. Estes exemplares incorpóranse aos fondos da institución, que xa garda outras obras do autor, como El Fatalista ou No Concerto.
