O espazo cultural A Arca da Noe organiza este domingo un mercado de artesanía e produtos locais na rúa do Forno de Vilar de Santos. A xornada comezará ás 12.00 horas e contará con preto de 50 postos de venda.
Ademais da feira, o programa inclúe actividades culturais gratuítas para todo o día:
- 12.30 horas: Proxección do documental «Regueifando con pracer» e coloquio coas autoras.
- 13.30 horas: Actuación musical de Balteira.
- 16.00 horas: Presentación do libro «Fran Pérez Narf. Canto Sentido», con Ramom Pinheiro e Xelis de Toro.
- 17.00 horas: Concerto de Alpargata Duo.
- 19.00 horas: Espectáculo poético e musical de Feitas ao Sisel para pechar a xornada.
