O alcalde de Xinzo de Limia, Amador Díaz, reuniuse con Judit Domarco, a nova presidenta da asociación Teatro Aneis, para reafirmar a colaboración municipal coa entidade.
O encontro tivo lugar durante a II Feira do Mercado Social, evento no que a asociación estivo presente cun posto informativo. Manuel Fontemoura, director do grupo, foi o encargado de presentar esta nova etapa da entidade.
O rexedor destacou a importancia do traballo que realiza Teatro Aneis en Xinzo, xa que a súa programación de artes escénicas chega a veciños de todas as idades.
