A vila de Xinzo de Limia acollerá a Festa do Esquecemento os vindeiros días 21, 22 e 23 de agosto. O campamento galaico-romano xa se está a montar para recibir aos milleiros de visitantes que se esperan durante a fin de semana.
Esta edición da festa, organizada pola asociación Civitas Limicorum e o Concello, ofrece unha programación pensada para todos os públicos:
- Máis de 50 actividades gratuítas.
- 54 grupos participantes.
- 13 tropas estranxeiras.
- 12 grupos musicais.
O Concello xa traballa na seguridade, limpeza e infraestruturas necesarias para acoller a gran afluencia de xente que se agarda nestas datas. A cita consolidouse como un dos eventos culturais e económicos máis importantes da comarca da Limia.
