Xinzo de Limia despedirá este domingo o seu VIII Festival Internacional de Bandas de Gaitas, unha cita que converteu a vila no centro da música tradicional galega, asturiana e do Bierzo durante toda a fin de semana.
O festival, organizado pola Banda de Gaitas de Xinzo, contou con formacións de gran prestixio como a Banda Gaites Villaviciosa “El Gaiteru”, a Escola de Gaitas de Ortigueira e a Banda de Gaitas Nova Fronteira, entre outras. Tras o desfile e os concertos principais celebrados na xornada de onte, hoxe celébranse as últimas actuacións.
O peche do festival terá lugar no horario de mañá co seguinte programa:
- 12:45 horas: concerto da Escola de Gaitas de Ortigueira.
- 13:30 horas: actuación da Banda de Gaitas Vega de Espinareda.
