O Concello de Xinzo de Limia celebrará as festas na honra a Santa Mariña entre os días 16 e 20 de xullo, cun cartel que combina tradición popular e concertos de artistas internacionais na explanada do Toural.
Durante cinco días, a vila converterase no epicentro festivo da comarca da Limia cunha axenda pensada para todos os públicos. A programación detallada é a seguinte:
- Xoves 16: Arrancan as festas coa orquestra Origen e a actuación estelar do artista internacional Henry Méndez.
- Venres 17: Xornada marcada pola festa da escuma, seguida pola música da orquestra KUBO, o grupo Ráfaga e unha sesión DJ.
- Sábado 18 (Día de Santa Mariña): O programa comeza coas tradicións (alborada, procesión e pasarrúas con xigantes e cabezudos). A oferta complétase con mercadiño, Color Party e as actuacións de A Gramola Tour Life e a orquestra Função Pública.
- Domingo 19: Dedicado ao público familiar, contará coa música da orquestra Olympus, o espectáculo de Kiko Rivera e o peche da discomóbil Apocalipsis.
- Luns 20: Xornada final de ambiente familiar con sesión vermú, inchables acuáticos e a verbena da orquestra Capitol.
Desde o goberno local subliñan que o obxectivo desta edición é ofrecer unhas festas dinámicas e de calidade, onde a modernidade e a tradición se unan para atraer tanto á veciñanza coma aos visitantes.
A organización fai un chamamento á cidadanía para participar nestes festexos, facendo fincapé na importancia de gozar dun ambiente marcado pola convivencia e o respecto.
