Na recente reunión de seguimento celebrada no auditorio de Outomuro, en Cartelle, o Inorde e os 14 concellos que integran o xeodestino “Terras de Celanova-Serra do Xurés” acordaron as novas liñas de actuación para o segundo semestre do ano.
O obxectivo principal é a programación de rutas e experiencias turísticas conectadas coa natureza e o patrimonio. Para reforzar o posicionamento do territorio, desenvolerán accións de comunicación dixital en colaboración con prescriptores do sector, buscando dar maior visibilidade á zona.
A estratexia conta co apoio da Axencia de Turismo de Galicia e foca na calidade e sustentabilidade mediante o sistema SICTED, que actualmente engloba 28 servizos turísticos, tanto públicos como privados.
Concellos integrantes do xeodestino:
- A Bola
- A Merca
- Bande
- Cartelle
- Celanova
- Entrimo
- Gomesende
- Lobios
- Lobeira
- Muíños
- Padrenda
- Quintela de Leirado
- Ramirás
- Verea
