A Asociación Cultural Civitas Limicorum de Xinzo de Limia participou na edición especial do Arde Lucus en Lugo, que este 2026 celebrou o seu Annus Argenteus, marcando o seu 25 aniversario. A entidade, que reivindica o seu papel como parte activa e fundamental desde as primeiras edicións deste evento de Interese Turístico Internacional, enviou unha delegación formada por membros dos bandos castrexo e romano.
No marco da recepción oficial de convidados, a tesoureira da asociación, Ana Lozano, foi recibida pola alcaldesa de Lugo, Elena Candia. Este acto reafirma a colaboración entre a Civitas Limicorum e o Concello de Lugo, reforzando os lazos históricos entre ambas localidades, especialmente ante a coincidencia de aniversarios entre o Arde Lucus e a Festa do Esquecemento.
Por último, informaase que a XXVI edición da Festa do Esquecemento de Xinzo de Limia terá lugar os días 21, 22 e 23 de agosto de 2026.
