O próximo sábado 23 de maio de 2026, ás 20:00 horas, a Sala de Exposicións da Casa de Cultura de Sandiás acollerá unha xornada de poesía itinerante. O evento será presentado por Pepe Gándara, concelleiro de Cultura de Sandiás, e Rosa Trujillo Bolaño, poeta e coordinadora de Ágora-Espacio Integral “A Letra Fala”.
Esta iniciativa forma parte dunha ruta latinoamericana que busca vincular a experiencia migrante coa identidade galega, achegando a poesía «de base» ás comunidades rurais para romper a barrreira das grandes cidades.
Programa e actividades:
- Presentacións: Exposición da historia do Encontro Latinoamericano de poetas “La Victoria” e presentación do libro “¿Volamos como vuelan los ángeles o hacemos el amor?” do autor e xestor cultural Willians Hernández.
- Lecturas poéticas: Participarán poetas e autores como Mariana Núñez Vargas, Nancy Conde, Angelina Núñez, Ana Belén Gutiérrez, Manuel López Martínez, Rosa Trujillo Bolaño, Libeslay Bermúdez, Ximena Benítez e Lorena Gómez.
- Exposición: Montarase unha mostra de obra poética latinoamericana e galega.
- Animación musical: O grupo Voces del Sol, procedente de Celanova, acompañará as lectura e pechará o acto.
O evento está aberto a todo o público interesado na creación poética e na palabra.
