O Concello de Sandiás súmase á celebración do Día das Letras Galegas 2026, seguindo a proposta da Federación Galega de Municipios e Provincias (FEGAMP). Nesta edición, o homenaxe recae na escritora e xornalista Begoña Caamaño, destacada pola súa labor de reinterpretación feminista dos mitos clásicos en obras como Circe ou o pracer do azul e Morgana en Esmelle. Esta última obra conecta directamente coa tradición local a través da lenda da Lagoa de Antela e os mitos artúricos.
A programación cultural de Sandiás está deseñada para incluír a todo tipo de público, con especial atención á infancia, a música e a poesía. Un dos eixos centrais será a reflexión sobre os estereotipos de xénero e a promoción da amizade, inspirándose na filosofía da homenaxeada. Ademais, o programa inclúe un tributo á mirada de Ramón Otero Pedrayo sobre a paisaxe da Limia.
Programación de actividades
- 13 de maio: Vixías da Antela (organizado por Furgoteca – PAI de Sandiás).
- 15 de maio: Concerto “O son do ar” coa Orquestina Antela no Pai de Sandiás.
- 21 de maio:
- Conto-Coloquio “Bela Dormente… Esperta!” (reflexión sobre estereotipos de xénero).
- “Restaurante para monstros: Descubrindo novos menús” (CEIP de Sandiás).
- 23 de maio: Diálogo Poético Intercultural, un encontro de música e poesía entre Galicia e Venezuela.
- 5 de xuño: Música e movemento en familia (danza e literatura para nenos eas).
- 26 de xuño: Canticontos para crianzas e acto de graduación do PAI de Sandiás.
- 19 de agosto: Actividade dedicada a Ramón Otero Pedrayo.
- Maio a agosto: Programa da Biblioteca Móbil de Galicia, que visitará as 18 aldeas do concello con actividades de animación lectora.
