O grupo municipal do BNG en Xinzo, a través do seu voceiro Camilo Vila, propuxo que a Deputación de Ourense priorice a mellora da accesibilidade no polideportivo municipal dentro da previsión de modificación de crédito que afecta ao concello.
A formación nacionalista cualifica esta demanda como «xusta e urxente», xa que as instalacións —fundamentais para a competición oficial e as categorías de base— presentan barreiras arquitectónicas que discriminan ás persoas con problemas de mobilidade e incumpren as leis de inclusión vigentes.
No marco desta reivindicación, o BNG cuestiona a partida de 100.000 euros destinada ao Museo Galego do Entroido. Se ben defienden que este museo debe ter un servizo de apertura continuada durante todo o ano, consideran que non se deben acometer actuacións estéticas ou renovacións non urxentes mentres existan deficiencias de accesibilidade en servizos básicos.
O obxectivo da proposta é asegurar un equilibrio na xestión dos recursos provinciais para que os fondos da Deputación se destinen, prioritariamente, á eliminación de barreiras e á mellora da calidade de vida dos veciños de Xinzo.
