O Consello Regulador da D.O. Monterrei organizou a iniciativa «Monterrei Vs Vinos Internacionales» para o seu Panel de Cata e Órgano de Control.
O obxectivo foi comparar a calidade dos viños de Monterrei coa competencia internacional, analizando tendencias de mercado e estratexias de comercialización. Realizouse unha cata a cegas de máis de 20 viños internacionais xunto con elaboracións da D.O. Monterrei.
A D.O. Monterrei abrangue os concellos de Verín, Monterrei, Vilardevós, Riós, Oímbra, Castrelo do Val, Laza e Cualedro, e está conformada por 29 bodegas e 381 viticultores, con 798,10 hectáreas de viñedos.
