A Festa do Esquecemento de Xinzo, organizada pola Asociación Cultural Civitas Limicorum, celebra o seu 25 aniversario os días 22, 23 e 24 de agosto de 2025. Está aberto o prazo ata o 24 de maio para presentar propostas ao concurso do cartel anunciador, cun premio de 300 euros para a imaxe gañadora. O cartel deberá representar o espírito da festa, combinando historia, cultura, participación social e o legado do pobo dos límicos.
ALEJANDRO CAMBA
A cita de recreación histórica de Xinzo de Limia celebra o seu 25 aniversario
22 mar 2025 . Actualizado ás 05:00 h.
A Asociación Cultural Civitas Limicorum abriu o prazo para a presentación de propostas ao concurso do cartel da Festa do Esquecemento, unha edición que celebrará o 25 aniversario os días 22, 23 e 24 de agosto de 2025 en Xinzo de Limia.
O prazo para presentar candidaturas permanecerá aberto ata o próximo 24 de maio, e o cartel gañador será seleccionado pola xunta directiva da asociación entre todas as propostas recibidas, despois dunha asemblea coas súas socias e socios. O autor ou autora da imaxe elixida recibirá unha recompensa económica de 300 euros.
O cartel deberá representar o espírito da Festa do Esquecemento, que combina divulgación histórica, cultura, participación social e celebración, destacando o legado do pobo dos límicos e a súa resistencia fronte ao Imperio romano.
Archivado en: Festa do Esquecemento Xinzo de Limia
