Os municipios de Xinzo de Limia e Ponte de Lima celebraron unha nova edición do «Abrazo ao río Lima/Limia», un encontro anual de carácter ambiental, educativo e cultural que reúne a institucións e colectivos sociais de ambos lados da fronteira entre Galicia e Portugal.
O acto central da xornada foi a asinatura dun protocolo de compromiso para a protección do río e do medio ambiente. Mediante este acordo, ambas administracións comprométense a colaborar en campañas de sensibilización ecolóxica, cooperación institucional e na conservación do patrimonio natural do cauce fluvial compartido.
Esta iniciativa reforsa o hermanamento oficial entre as dúas localidades, formalizado originalmente no ano 2012. Ademais, a xornada contou cunha forte vertente educativa coa participación de estudantes de centros escolares de Ponte de Lima e dos CEIP Rosalía de Castro e CEIP Carlos Casares de Xinzo de Limia, quen realizaron un intercambio cultural centrado na conciencia ambiental.
Carlos Gómez, en representación da capital limiana, destacou a importancia do evento, sinalando que coidar o río é protexer a memoria, a identidade e a vida das persoas, definindo este abrazo simbólico como unha unión entre pobos e culturas irmás.
