Santi M. Amil – 22 de febreiro de 2025
Dous dos membros do grupo presuntamente responsable do roubo con violencia que deixou gravemente ferido a un construtor de Lobios (Ourense) o 20 de xaneiro na súa casa, poderían haberse delatado mutuamente. Despois de que os investigados pasaran a súa primeira noite en prisión, o xulgado de Bande levantou o segredo de sumario, no que se revela que o informático municipal de Xinzo puido ter un papel central na organización do golpe e tamén na caída da banda.
Foi o último en ser detido porque, antes de ser investigado, foi testemuña protexida e contou á Garda Civil que o irmán da súa noiva participara en varios roubos e que el gardaba unha arma dun deses asaltos. A partir desa declaración, a Garda Civil uniu cabos e, coas geolocalizacións dos teléfonos móbiles e algunha foto que sitúa un vehículo dos implicados pasando por unha gasolinera da zona, identificou os sospeitosos.
Nos rexistros en Ourense e Xinzo atopouse abundante material que os axentes analizan por se puidese proceder doutros roubos. A vítima do asalto de Lobios xa recoñeceu como propias algunhas das xoias recuperadas. Pola súa banda, ao ser detido, contou a súa versión á Garda Civil, sinalando ao informático como inductor ou ideólogo do golpe. Aínda que é o único dos cinco ao que non se sitúa en Lobios esa noite, hai capturas de pantalla dunha aplicación que revelan que instou aos demais a que «apretaran» á esposa do empresario para sacarle diñeiro e que os citou para repartírense despois o botín: uns 200 euros, segundo eles.
Archivado en: Ourense cidade, Lobios, Garda Civil, Xinzo de Limia
