Un camión frigorífico de grandes dimensións sufriu un aparatoso accidente esta mañá de mércores na autovía A-52, á altura do quilómetro 178 sentido Ourense, na provincia homónima. O suceso ocorreu sobre as 8:00 horas cando o condutor, que resultou ileso, perdeu o control do vehículo.
O camión saíuse da autovía polo marxe dereito, danando unha parte significativa do quitamedos. Como consecuencia do accidente, o carril dereito da autovía tivo que ser cortado ao tráfico, permitindo a circulación unicamente polo carril esquerdo, o que xerou retención na zona.
A Garda Civil de Tráfico e os servizos de mantemento de estradas desprazáronse ata o lugar para atender a emerxencia e restablecer a normalidade na circulación.
