O Auditorio Ángel Cocho da Casa da Cultura de Xinzo de Limia foi o escenario de dúas recentes actividades culturais destinadas ao alumnado escolar da zona.
O martes, o auditorio acollera o espectáculo “Chaves Invisibles”, unha proposta que permitiu aos cativos descubrir o legado da escritora e xornalista Begoña Caamaño, a quen se lle dedica a presente edición das Letras Galegas.
Posteriormente, este mércores, celebrouse o concerto didáctico “Un concerto de película”. A actuación foi interpretada polo alumnado do Conservatorio e contou coa asistencia dos estudantes dos CEIP Carlos Casares e Rosalía de Castro.
