O pobo de As Lamas, situado no concello de Xinzo de Limia, celebrou as súas festas en honra a Santa Cruz. Esta cita, que marca o inicio da temporada de festas patronais na zona, destaca polo seu valor histórico e unha tradición centenaria.
As celebracións comezaron o pasado 30 de abril coas xornadas de ‘troula’, que contou coa participación de orquestras como a París de Noia, atraendo a unha gran afluencia de veciños.
O punto culminante da festividade tivo lugar o domingo cunha procesión desde a igrexa ata a capela, presidida polas imaxes do Santo Cristo e a Virxe. O acto contou coa participación fundamental dos Danzantes de Lamas, un grupo de oito veciños encarregados de manter viva unha tradición recuperada no ano 1981.
Os Danzantes distinguense polo seu axustado traxe: zapatos negros, pololos brancos, faldas vermellas, camisas brancas, corbatas negras e coroas de flores, ademais de bandas azuis ou vermellas que indican a súa posición na formación. Durante a procesión, realizan un total de seis bailes:
- A venia á Virxe: o primeiro baile, realizado co uso de castañuelas.
- Segundo baile: executado co uso de palos.
- O ‘rápido’: o baile final, que se realiza arredor dun polo con cintas, aumentando o ritmo e caracterizado por levar un puro na boca.
A pesar da intensa choiva, que obrigou aos asistentes a cubrir as imaxes relixiosas con chubasqueiros para protexelas, os ritos póderon completarse baixo unha carpa instalada diante da capela.
As festas remataron cunha subasta para introducir as figuras na capela, a cal superou os 300 euros, pechando así un ano máis de celebracións comunitarias.
