A comarca de A Limia destaca tradicionalmente pola calidade das súas producións agrícolas, sendo a pataca o principal motor económico do territorio. Segundo un estudo realizado polo Concello de Xinzo de Limia en colaboración coa Universidade de Santiago de Compostela, a industria e as explotacións ligadas a este sector xeran aproximadamente o 23% da facturación total da comarca, alcanzando os 65,5 millóns de euros no exercicio de 2023.
Ciclo de cultivo e desafíos climáticos
A sementeira de patacas desenvolvese habitualmente entre abril e maio. No entanto, este calendario está condicionado pola climatoloxía. Os agricultores alertan dun cambio na estacionalidade da zona, que pasou de ter catro estacións definidas a dúas (húmeda e seca).
Un dos principais problemas son as chovas de primavera, que poden provocar inundacións e retrasar a sementeira, especialmente nas fincas situadas na zona da antiga Lagoa de Antela, que tardan máis en secarse. Ademais, as prezcipitacións excesivas poden «lavar» os nutrientes do solo, obligando a reforzar o abonado.
Proceso de preparación e variedades
Antes da sementeira, os produtores realizan análises de terra para determinar as necesidades de abonado orgánico e o control de enfermidades, destacando a presenza do nemátodo. A práctica habitual inclúe rotacións de cultivo cada 2 ou 4 anos para manter a saúde do solo.
Respecto ás variedades, a comarca especialízase en:
- Agria: De tons amarelados, preferida para freír polo seu sabor e textura.
- Kennebec: De cor branquecina, ideal para cocer, asar ou guisar.
- Donata e Monalisa: Valoradas polos agricultores pola súa resistencia ás enfermidades e facilidade de almacenaxe, aínda que con menos sabor que as anteriores.
Impacto industrial e calidade
A zona conta con un tecido empresarial consolidado que se encarga da produción e comercialización. Entre as marcas máis destacadas atópanse Patatas Paz, Patatas Conde, Patatas Gándara e Patatas Ama.
Para garantir a excelencia do produto, moitos produtores traballan baixo o amparo da IXP Pataca de Galicia. Este selo de calidade implica un control exhaustivo desde a verificación das fincas no campo ata a chegada do produto ao almacén, asegurando así os estándares esixidos polo mercado.
