O Concello de Xinzo comeza este xoves 10 de setembro as obras de mellora do pavimento en seis rúas do municipio. Estes traballos obrigarán a cortar o tráfico e prohibir o aparcamento nas zonas afectadas.
As actuacións dividiranse en dúas fases e afectarán ás seguintes vías:
- Fase 1: Travesía do Bouzo e Avenida de Portugal (tramo entre a Avenida de Madrid e a pista da Armada).
- Fase 2: Rúa Dous de Maio (dende a Avenida de Madrid ata o Toural), rúa Toural e Alexandre Bóveda.
- Obras municipais: Tamén se mellorará o Camiño do Regueiro con fondos propios do Concello.
Dende o goberno local piden aos veciños que teñan paciencia e que respecten en todo momento a sinalización colocada nas obras para evitar incidentes.
