O Observatorio para a Libertad Religiosa denunciou que, entre agosto e outubro, catro templos galegos —un en cada provincia— foron asaltados. Nestes sucesos, ademais de roubar obxectos de valor, os autores profanaron os sagrarios e as formas consagradas.
Estes son os casos rexistrados nestes tres meses:
- Ourense (agosto): Igrexa de San Salvador de Parada de Ribeira (Xinzo de Limia). Roubaron unha cruz do século XVIII, un cáliz e dous copóns con formas consagradas.
- A Coruña (7 de setembro): Igrexa de San Martiño (Noia). Cinco persoas levaron dous copóns de prata con formas consagradas.
- Lugo (19 de setembro): Igrexa do Sagrado Corazón de María (Guitiriz). Arrincaron o sagrario, roubaron un copón e tiraron as formas consagradas pola praza.
- Pontevedra (7 de outubro): Igrexa de San Mamede de Priegue (Nigrán). Subtraeron varios cálices, copóns, patenas e unha xerra de prata, ademais das formas consagradas.
A organización Abogados Cristianos anunciou que levará o caso ocorrido en Nigrán aos tribunais.
