Unha muller de 51 anos, veciña de Requiás (Muiños), perdeu a vida nunha colisión frontal entre un Citroën Saxo e un Opel Combo na OU-1205 (Mugueimes-Calvos de Randín), no termo municipal de Muiños, sobre as 23:00 do martes.
A condutora do Citroën faleceu no acto. O condutor do Opel Combo, que deu positivo en alcoholemia, foi trasladado ao CHUO con feridas leves.
O marido da falecida sufriu un infarto fulminante ao coñecer a noticia e tamén faleceu. A comunidade de Requiás está consternada.
Axentes de tráfico investigan as causas do sinistro.
