A Deputación de Ourense aprobou este luns 41 subvencións que suman 1.106.725 euros. Estes fondos irán destinados a apoiar concellos, empresas e entidades sociais, culturais e deportivas da provincia.
Do total do orzamento, 538.850 euros repartiranse entre 28 entidades e colectivos para diversas actividades. As axudas máis destacadas no ámbito rural son:
- GDR 10 Limia-Arnoia: 56.750 euros para o programa A Terra (21.750 euros en 2025 e 35.000 euros en 2026).
- D.O. Monterrei: 45.000 euros para gastos de funcionamento, técnicos e redes sociais.
- Asociación de Empresarios do Carballiño: 20.000 euros.
- IXP Pataca de Galicia: 10.000 euros.
- IXP Castaña de Galicia: 10.000 euros.
- Asociación Celanova Chea: 10.000 euros.
- Asociación Os Cogordos: 3.000 euros.
O resto das axudas repartiranse entre outros sectores, incluíndo servizos de emerxencias como Protección Civil, profesionais sanitarios e diversas iniciativas locais, co obxectivo de fomentar o desenvolvemento económico e social da provincia.
