Dúas persoas resultaron feridas este xoves, 17 de setembro, tras colisionar dous turismos na estrada N-525, ao seu paso polo concello de Sandiás.
O accidente ocorreu arredor das 8:10 horas, no punto quilométrico 209,5, xunto á saída da autovía A-52. O impacto produciuse entre un Seat Ibiza que circulaba cara a Ourense e un Volkswagen Polo que intentaba incorporarse á vía.
Tras o aviso, desprazáronse ao lugar os servizos de emerxencia, que atenderon aos dous feridos, ambos con lesións de carácter leve. Tamén interviñeron efectivos da Garda Civil e persoal de mantemento de estradas para asegurar a zona e limpar a vía.
