Xinzo celebra as Letras Galegas con catro citas centrais de literatura e tradición

O Concello de Xinzo de Limia presenta a programación oficial para conmemorar as Letras Galegas 2026, unha proposta que busca poñer en valor a nosa lingua a través dun calendario de actos abertos a toda a veciñanza.A programación arranca este venres, 12 de maio, cunha homenaxe á autora Begoña Caamaño titulada «Chaves invisibles», que terá lugar no Auditorio da Casa da Cultura ás 10:00 horas. O día central da festividade, o domingo 17 de maio, a actividade trasladarase á Praza Maior coa tradicional venda de libros e a participación da Escola de Gaitas a partir das 19:00 horas.A axenda literaria completarase na Biblioteca Municipal con dúas citas clave: o xoves 21 de maio celebrarase unha sesión de Conta Contos ás 09:00 horas, e o venres 22 de maio, ás 20:00 horas, levarase a cabo a presentación do libro «Queda moito que sachar…», de X. Manuel del Caño. Con este conxunto de actividades, o Concello convida a todos os veciños e veciñas a participar activamente na celebración do noso patrimonio cultural.