O pavillón municipal de Xinzo reuniu este domingo a máis de 200 deportistas de categorías mini e premini nunha xornada dedicada ao baloncesto. O evento marcou o inicio da tempada para os 21 equipos participantes.
Na cita, que xa vai pola súa décimo terceira edición, disputáronse máis de 30 partidos. Os clubes que participaron no torneo foron:
- A.B. Xinzo (anfitrión)
- Muebles Victoria (O Barco)
- C.B. Lemavos (Monforte)
- C.B. Allariz
- BXL (Celanova)
- Club Xuventude (Verín)
- Gran Alanís (Ribadavia)
- CTM (Vila Pouca de Aguiar)
Ademais da competición nas pistas, os nenos e nenas puideron gozar de zonas de lecer con inchables no exterior do pavillón durante os descansos entre partidos.
