O INCIBE alerta dunha nova estafa onde ciberdelincuentes envían mensaxes desde contas de WhatsApp de terceiros, sen que o dono da conta o saiba, solicitando cartos por unha suposta urxencia. Esta fraude afecta principalmente a usuarios de iPhone con versións antigas do sistema (iOS 16 ou anteriores).
Os estafadores piden transferencias, habitualmente de arredor de 970 ou 980 euros, alegando urxencia. Como a mensaxe chega desde o número dun coñecido, é doado caer na trampa.
Como protexer a túa conta:
- Actualiza o sistema: Mantén o iPhone (en Axustes > Xeral) e o WhatsApp sempre na última versión dispoñible.
- Verificación en dous pasos: Actívaa en Axustes > Conta > Verificación en dous pasos cun PIN e un correo de recuperación.
- Revisa dispositivos: Entra en Axustes > Dispositivos vinculados e pecha calquera sesión que non recoñezas.
Que facer se sospeitas que estás a ser vítima:
- Avisa aos teus contactos: Infórmalles por outra vía (chamada ou SMS) de que a túa conta está comprometida e non deben facer ningún pago.
- Conserva probas: Fai capturas de pantalla das mensaxes e garda os datos bancarios que che envíen.
- Se xa pagaches: Contacta inmediatamente co teu banco para tentar bloquear a transferencia e presenta unha denuncia nas forzas de seguridade.
Consello de ouro: Nunca pagues por unha mensaxe de WhatsApp sen chamar antes á persoa por teléfono para confirmar que realmente necesita axuda. Se tes dúbidas, podes chamar de balde ao 017, a liña de axuda do INCIBE.
