O Concello completou as obras de reforma na depuradora (EDAR) de Cerredelo, que sufría constantes avarias por exceso de auga e o uso indebido de toalliñas. Os traballos supuxeron un investimento de 60.819 euros.
A instalación non daba abasto debido á entrada masiva de augas limpas e aos atascos provocados por obxectos que non deberían tirarse ao saneamento. A empresa Explotacións Medioambientais S.L. executou as seguintes melloras:
- Novo sistema de filtrado: Instalouse un pozo de grosos e un cestón para retener residuos, evitando que a suciedade bloquee o sistema.
- Control de caudal: Colocáronse dúas comportas manuais para regular a cantidade de auga que entra na depuradora.
- Nova rede de alivio: Construíuse unha canalización de 200 metros que desvía o exceso de auga cara a unha vagoada próxima, contando con pozos de rexistro para facilitar o seu mantemento.
Ademais, realizáronse labores de limpeza e roza na parcela e construíuse un pozo de formigón para interceptar o colector xeral antes de que chegue á depuradora, garantindo así un funcionamento máis eficaz da planta.
