A Deputación de Ourense pon en marcha o Circuíto Provincial de Cine de Verán, unha iniciativa que leva proxeccións gratuítas a municipios que non contan con salas de cinema.
O programa busca achegar a cultura aos veciños do rural. A carteleira inclúe nove filmes galegos, entre os que destacan producións como Rondallas, Leo & Lou e Antes de Nós.
Os municipios que acollerán as sesións ao aire libre son:
- A Limia e Baixa Limia: Sarreaus, Trasmiras, Vilar de Barrio, Vilar de Santos, Bande e Lobeira.
- Resto da provincia: Castrelo de Miño, Rubiá, Xunqueira de Espadanedo, Vilamartín de Valdeorras, Maside, Avión, Cualedro, Verea, Esgos, A Teixeira, A Peroxa, Vilardevós, Ribadavia, A Pobra de Trives, Verín, Taboadela, Piñor, Maceda, Boborás, O Carballiño, Larouco, Melón, Carballeda de Avia e Baños de Molgas.
Esta proposta conta coa colaboración da Axencia de Turismo de Galicia, Gadis e a Asociación Española contra o Cancro, co obxectivo de ofrecer lecer de calidade durante os meses de verán.
