A Deputación de Ourense acaba de aprobar dúas novas liñas de axudas, dotadas con 350.000 euros en total, para apoiar ao sector primario provincial e fomentar a prevención de incendios. O prazo para solicitar estas subvencións remata o próximo 25 de setembro.
Axudas para a prevención de incendios e mellora das explotacións (200.000 euros):
- Reciclaxe de plásticos: 25.000 euros para cubrir ata o 100% dos gastos (máximo 1.500 euros por beneficiario).
- Maquinaria e biomasa: 175.000 euros para mercar rozadoras, trituradoras ou cisternas. Subvención de ata o 70% do gasto (máximo 8.500 euros por explotación).
- O límite máximo por explotación sumando ambas liñas é de 10.000 euros.
Axudas para a recría de gando (150.000 euros):
- Busca que os gandeiros manteñan os seus animais nas explotacións en lugar de vendelos cando son crías.
- Sector bovino: 130.000 euros (ata 500 euros por animal e 6.000 de máximo por explotación).
- Sector ovino e caprino: 20.000 euros (ata 60 euros por animal e 1.800 de máximo por explotación).
Ademais destas medidas, a institución provincial aprobou outros 446.589 euros destinados a:
- Cooperación municipal: 221.389 euros para investimentos en concellos como Avión, Verín, Castrelo de Miño, A Mezquita e Lobeira, ademais de apoios a festivais e festas populares.
- Tecido social e económico: 225.200 euros para entidades como o Clúster da Pizarra, asociacións de taxistas, o Fútbol Sala Ourense Femenino e diversas fundacións e bandas de música.
