O pasado sábado, as piscinas municipais de Xinzo acolleron o clásico torneo de baloncesto 3×3, que reuniu a máis de 100 deportistas divididos en 24 equipos. A xornada completou un total de 65 partidos nun ambiente festivo e deportivo.
A competición, que volveu tras dous anos de parón, contou con xogadores locais e de cidades como Lugo, Santiago e Ourense. Os asistentes puideron refrescarse nas piscinas durante o evento, que estivo marcado por unha alta asistencia de público nas bancadas.
Cadro de honra do torneo:
- Campión absoluto: Spotiun de Gijón
- Subcampión: Brooklyn Netflix
- 3º posto: Los Pirulos
- Campión Junior: Bonucci Team
- Campión Sub 15: Outlaws
- Campión de triplas: Esteban (equipo Aceituna)
O xogador cadete Alex Traveso, formado na canteira do A.B. Xinzo, foi nomeado MVP (mellor xogador do torneo) tras gañar a final contra rivais de categoría sénior.
A organización xa prepara a próxima cita deportiva para as categorías base, que terá lugar o venres 28 de agosto durante a feira de Prolimia. O prazo de inscrición para este novo torneo abrirase nos próximos días.
