A Asociación Algaria, colectivo dedicado á defensa e promoción dos dereitos das persoas con mobilidade reducida, realizou unha nova doazón de 500 euros en produtos non perecedoiros (leite e aceite) ao Banco de Alimentos municipal de Xinzo.
Este contributo provén dos fondos dunha rifa organizada de cara ao Sorteo de Nadal de 2025. Ante o feito de quedar deserto o premio previsto, a asociación decidiu reinvestir o importe íntegro en alimentos básicos para axudar ás familias con menos recursos da localidade.
O acto de entrega oficializouse no departamento de Servizos Sociais do Concello coa participación da concelleira do área, Ángeles Martínez, xunto aos membros da asociación, Óscar Pena, Melissa Gómez e Laura López.
Esta iniciativa reafirma o compromiso social constante da agrupación coa vila, que xa realizou anteriormente outras doazóns de alimentos e subministrou material sanitario esencial durante a pandemia.
