A institución provincial investirá 2.650.916,95 euros nas anualidades de 2024 e 2025 para cofinanciar a construción de centros para maiores na Gudiña, A Teixeira, Laza, Piñor, Trasmiras, Xunqueira de Ambía e Os Blancos. O Goberno galego achegará un investimento de 8.344.765,39, nestas dúas anualidades.
Aprobouse tamén a solicitude á Xunta para asumir os servizos obrigatorios de Os Blancos. Trátase dunha nova prórroga, ata marzo de 2026, para prestar os servizos que vén asumindo a Deputación logo da grave situación de risco financeiro na que se atopaba o concello en 2017.
No cofinanciamento destas residencias tamén participan tres dos sete concellos: A Teixeira e Trasmiras achegarán 336.944,26 euros, respectivamente, mentres que Piñor aportará 1.000 euros.
A modificación das bases de execución corresponden ao cambio de obxecto das subvencións. Este apartado afecta por unha banda aos concellos de Lobeira e Muíños, ademais das seguintes entidades: Proxecto Home Galicia; Asociación Club Recreativo As Burgas e Reserva da Biosfera de Allariz.
A aprobación dunha solicitude á Xunta de Galicia para asumir, por parte da Deputación, a prestación de servizos mínimos obrigatorios municipais do Concello de Os Blancos, supoñe unha nova prórroga, desta volta ata marzo de 2026, para prestar os servizos mínimos que vén asumindo a Deputación logo da grave situación de risco financeiro na que se atopaba o concello en 2017.
Servizos
Os servizos dos que se fai cargo a institución provincial son abastecemento domiciliario de auga potable, saneamento, pavimentación de vías públicas e acceso a núcleos de poboación e iluminación pública. A Deputación tamén se fará cargo da ordenación e xestión dos ditos servizos, incluídas as facultades de imposición e ordenación de taxas polos servizos, no caso de que estas procedan.
A Deputación poderá propoñer a prórroga sucesiva da asunción dos servizos para períodos de dous anos durante a vixencia do plan de axuste do Concello dos Blancos, no caso de que subsistan as causas que a motivaron e non existan alternativas para garantir a prestación dos servizos.
