Esta mañá o alcalde Amador Díaz estivo acompañado na presentación do programa das festas 2024 polo concelleiro de festexos, Ricardo Sieiro, o de cultura Carlos Gómez, o director da escola de Gaitas Fernando Dopico e o promotor do Xinzo Urban Fest Adrian de Xplicit..
Varias son as novidades que presentaron. A primeira foi a presentación do libro das festas cos saúdas correspondentes, como todo libro de festas ten que ter, ademais do programa íntegro. O libro comezará a repartirse este fin de semana.
Outra das novidades son as actuacións de dúas orquestras do TOP galego, Combo Dominicano e Tango. Tamén neste apartado hai cambios de ubicación. A orquesta Combo terá o seu escenario na entrada a Xinzo a altura do Pombal. A da outra orquestra está por determinar.
FESTIVAL DE BANDAS DE GAITAS
Outra das novidades deste ano e a volta do Festival de Bandas de Gaitas, esta vez na súa 6ª edición coa presenza das bandas A e B de Xinzo, así como a de Candás, Trasmiras e toxo Queimado. Este ano o festival será en homenaxe a Rubén Seoane.
