Unha saída de vía rexistrada este xoves, 29 de outubro, en Piñeira de Arcos (Sandiás) mobilizou aos servizos de emerxencia, aínda que afortunadamente non houbo que lamentar danos persoais.
O incidente ocorreu arredor das 09:55 horas, nas inmediacións do acceso á autovía na estrada N-525. Ante o aviso, os efectivos de Protección Civil de Sandiás desprazáronse ao punto para realizar as seguintes tarefas:
- Señalización da zona para advertir ao resto de condutores.
- Balizamento do lugar para evitar outros choques mentres chegaba a Garda Civil.
Unha vez no lugar, a Garda Civil de Tráfico fíxose cargo da situación e da investigación do sinistro.
