O músico Serhii Sapun actuou o pasado xoves 22 de outubro na Casa da Cultura de Xinzo de Limia. O recital, organizado polo Conservatorio Profesional de Música, tivo unha gran acollida por parte do público.
A actuación serviu para amosar o potencial do acordeón, un instrumento con moita tradición en Galicia. Actualmente, o conservatorio local xa inclúe este instrumento dentro das súas ensinanzas profesionais, permitindo que cada vez máis alumnos se formen nesta especialidade.
