ABANCA, Afundación e o Concello de Xinzo de Limia amosan «Arte e humor. O enxeño de Antonio Mingote»

O Concello de Xinzo de Limia, ABANCA e Afundación, a Obra Social de ABANCA, inauguraron hoxe, mércores 21 de outubro, a exposición «Arte e humor. O enxeño de Antonio Mingote». No acto participaron o alcalde do Concello de Xinzo de Limia, Amador Díaz; o coordinador institucional de ABANCA en Ourense, Mateo Alonso; e a coordinadora institucional de Afundación en Ourense e Lugo, Beatriz Fernández-Anguiano. A mostra poderase visitar ata o 27 de novembro na Casa da Cultura de Xinzo de Limia, de luns a venres en horario de 9.00 a 14.30 h e de 15.30 a 21.00 h. A exposición «Arte e humor. O enxeño de Antonio Mingote»Esta mostra convida a descubrir a mirada lúcida e mordaz dun dos grandes mestres do humor gráfico español. A través dos seus debuxos, viñetas e reflexións visuais, Mingote retrata con ironía e elegancia a sociedade do seu tempo.Desde que con só 13 anos publicou o seu primeiro debuxo en Gente Menuda, a súa traxectoria e éxito foron imparables. En 1946 empezou a colaborar como debuxante en La Codorniz, onde permaneceu ata 1953. Posteriormente incorporouse ao diario ABC, no que estivo debuxando durante máis de cincuenta anos ata o momento da súa morte. Tamén colaborou con numerosos medios escritos como The New York Times, The Daily Telegraph, Blanco y Negro, Semana, Ínsula ou Interviú.Compaxinou o seu labor de debuxante co de xornalista e novelista e chegou a publicar máis de corenta obras, ademais de participar en pezas de teatro, cine e televisión. A súa extensa traxectoria foi recoñecida con innumerables premios e distincións, entre os que destaca, por exemplo, o mérito de ser o primeiro debuxante en formar parte da Real Academia Española (RAE). Recibiu a Cruz de Caballero de la Orden de Isabel la Católica, o Premio Nacional de Periodismo en 1980, a Medalla de Ouro do Concello de Madrid en 1995, a Medalla de Ouro ao Mérito en el Trabajo en 1996, os doutorados honoris causa polas universidades de Alcalá de Henares e Rey Juan Carlos e, mesmo, os recoñecementos como Alcalde Honorario do Parque do Retiro en 1982 e como Cartero Honorario de España en 1998, entre outros moitos.Esta exposición é parte do proxecto «Corrente cultural», que considera o arte como un instrumento imprescindible para fomentar o coñecemento e o desenvolvemento colectivo. Grazas a este proxecto, Afundación, a Obra Social de ABANCA, impulsa a capilaridade da cultura en Galicia, ampliando a oferta artística alén das súas sedes e trasladándoa ás vilas galegas para desenvolver tamén neles as actividades da entidade.