O mosteiro de Trandeiras, en Xinzo de Limia, acolleu esta semana o encontro «Semillas de Igualdad» para visibilizar o traballo das agricultoras na nosa comarca.
O acto, organizado pola empresa Patatas Meléndez con motivo do Ano Internacional da Muller Agricultora, contou coa participación de cinco profesionais da provincia:
- María Antonia Calvo Carballo, produtora de pataca.
- Maite Joga, presidenta de Adegal.
- Lola Rico, coordinadora de Afammer en Ourense.
- Mónica Míguez e Melanie Araújo, agricultoras.
Durante a xornada, as participantes destacaron que as mulleres deben ser recoñecidas como profesionais e responsables das explotacións, e non só como un apoio ao labor das súas parellas. Aínda que recoñeceron avances, denunciaron que en certos ámbitos aínda se cuestiona a súa capacidade para tomar decisións e xestionar o negocio agrícola.
