A localidade de Guntimil, en Xinzo de Limia, adiantouse á celebración do Samaín e xa encheu os seus espazos públicos con figuras de ánimas e elementos típicos destas datas.
Os veciños e visitantes que se acheguen estes días á aldea poderán atopar decoracións temáticas en cada esquina, preparando o ambiente para a noite máis terrorífica do ano. Esta iniciativa forma parte do crecente interese que esta festividade está a espertar en toda a provincia de Ourense.
