Vinte veciños dos concellos de Bande, Lobeira e Lobios iniciaron hoxe un obradoiro de emprego que lles permitirá formarse e traballar durante os próximos meses en obras de interese público.
Os participantes recibirán formación específica e práctica en dous sectores con demanda laboral:
- Albanelería: 10 alumnos.
- Carpintería e moble: 10 alumnos.
Ao rematar o curso, os estudantes obterán un certificado de profesionalidade, un documento oficial que acredita as súas competencias para facilitar a súa futura contratación. Paralelamente á formación, os alumnos realizarán traballos de mellora nos tres municipios:
- En Bande: arranxos na contorna da capela da Magdalena, no forno, no matadoiro e nas fontes de Sarreaus e Badella.
- En Lobeira: acondicionamento das fontes lavadoiro de Buin, Sabariz e Gaias.
- En Lobios: mantemento da ruta Poza de Seima, da área recreativa da Portaxe, limpeza de lavadoiros e melloras nos vestiarios do campo de fútbol.
Ademais, o alumnado encargarase de fabricar as cubertas para os contedores de lixo que se instalarán nos tres concellos.
