Desde o 1 de outubro está en vigor un novo regulamento de circulación que busca protexer aos usuarios máis vulnerables, como peóns, ciclistas e motoristas. Estes cambios adaptan as normas aos novos xeitos de moverse polas cidades e estradas.
Novas obrigas para vehículos e usuarios:
- Vehículos de Mobilidade Persoal (patinetes): Idade mínima de 15 anos, casco obrigatorio e chaleco reflectinte de noite ou con pouca visibilidade.
- Bicicletas: En estradas, é obrigatorio o casco sempre. Ao adiantar a unha bici, hai que deixar 1,5 metros de separación e baixar a velocidade 20 km/h respecto ao límite da vía.
- Motoristas: Luvas obrigatorias en estradas e calzado pechado en calquera vía. En atascos, poderán circular pola beiravía a un máximo de 30 km/h.
- Profesionais (riders): O uso de casco e chaleco reflectinte será obrigatorio sempre que traballen co vehículo.
- Cinturón de seguridade: É obrigatorio en todo momento para taxistas, vehículos de mercadorías e profesores de autoescola.
Cambios importantes na circulación urbana e en estradas:
- Peóns: Terán prioridade absoluta en rúas de plataforma única (sen beirarrúas diferenciadas).
- Neve e emerxencias: Cando haxa neve, prohibido adiantar en autoestradas. Ante retencións, os coches deben apartarse cara aos lados para deixar un carril central libre para as ambulancias e servizos de emerxencia.
- Autocaravanas: Non poden abrir elementos que sobresaian do vehículo, deben estar sempre sobre os pneumáticos e teñen prohibido verter líquidos á vía.
Nota: Certas medidas como o uso obrigatorio de alumeado diurno en patinetes ou o tipo de casco para ciclomotores entrarán en vigor de xeito definitivo a partir do 1 de outubro de 2027.
