A nova plataforma dixital 25motivos.gal reúne nun só lugar toda a información de interese sobre os 25 concellos que conforman as comarcas da Limia e Arnoia, facilitando que veciños e visitantes poidan planificar as súas actividades.
O portal conta cun calendario de eventos onde consultar as datas de festas populares, concertos, rutas e citas deportivas. Ademais, cada municipio dispón do seu propio espazo na web para destacar o seu patrimonio, natureza, gastronomía e tradicións locais.
A web abrangue os seguintes concellos:
- A Bola, Allariz, Baltar, Bande, Baños de Molgas e Os Blancos.
- Calvos de Randín, Celanova, Entrimo, Lobeira, Lobios e Maceda.
- Muíños, Porqueira, Quintela de Leirado, Rairiz de Veiga, Sandiás e Sarreaus.
- Taboadela, Trasmiras, Verea, Vilar de Barrio, Vilar de Santos, Xinzo de Limia e Xunqueira de Ambía.
Esta ferramenta centraliza propostas xa coñecidas, como o Entroido de Xinzo, a Festa do Esquecemento ou a Romería da Saínza, sendo un punto de referencia para descubrir experiencias en todo o territorio.
