Un home de 50 anos e nacionalidade portuguesa faleceu esta pasada noite tras caer desde unha ponte sobre o río Limia, no concello de Lobios.
O suceso tivo lugar no punto quilométrico 51,3 da estrada OU-540, que conecta Lobios e Muiños. A Garda Civil recibiu o aviso ás 23:50 horas.
No operativo de rescate participaron equipos dos G.E.S. de Lobios e Muiños, que traballaron para recuperar o corpo do leito do río. O levantamento do cadáver realizouse ás 4:40 horas e, posteriormente, foi trasladado ao hospital de Ourense (CHUO) para realizar a autopsia.
