A militancia do BNG elixiu por unanimidade a Mirian Opazo como nova responsable comarcal da Arnoia-Limia, relevando no cargo ao alcalde de Vilar de Santos, Marcos Nogueiras.
Opazo liderará unha nova etapa co obxectivo de reforzar a presenza do partido na zona e defender os intereses do rural. A nova dirección contará con estes membros:
- Vicerresponsable: Vanessa Díaz (Xunqueira de Ambía).
- Responsable de organización: Roi García (Allariz).
- Apoio ao traballo político: Sonia Fondevila (Porqueira).
A nova dirección marca como prioridades para a comarca os seguintes eixos:
- A defensa dos servizos públicos.
- O futuro do sector agrogandeiro.
- O acceso á vivenda e melloras na mobilidade.
- A creación de oportunidades para a mocidade.
Opazo destaca a súa aposta pola política de proximidade, afastada dos despachos, para garantir que os veciños do rural teñan os mesmos dereitos que o resto da cidadanía.
