Un condutor estrelouse este sábado contra a rotonda da Dama da Lagoa, en Xinzo de Limia. Este punto da vila volveu ser escenario dun accidente de tráfico, cuxos restos aínda permanecían na zona este domingo.
Non é a primeira vez que esta glorieta sofre o impacto dun vehículo. Ante estes sucesos, a policía recorda que o uso das rotondas é o mesmo para todas, independentemente de se teñen fonte ou decoración no seu interior:
- Reducir a velocidade antes de entrar.
- Ceder sempre o paso a quen xa circula por dentro.
- Manter a atención para evitar saídas de vía ou colisións cos elementos centrais.
