«Os Ourizos, o musical» chega este sábado á Praza Maior de Xinzo

O Concello de Xinzo de Limia ofrecerá o sábado 5 de setembro, ás 20.00 horas, o espectáculo «Os Ourizos, o musical» na Praza Maior. Trátase dunha obra de teatro musical con monicreques, a cargo da compañía Barafunda Teatro, dirixida ao público familiar e infantil.A montaxe aborda temas como a inclusión, a integración e a amizade, con referencias á cultura e á paisaxe galegas e ao coidado do medio ambiente. A música, composta expresamente para o espectáculo, achega á rapazada distintos xéneros, do rock e o pop ao rap.