O Antela proclamouse este domingo campión da segunda edición da Lethes Xuvenil Cup, disputada no campo da Moreira, tras vencer ao Raio 21 na final.
O equipo adestrado por Xurxo Santana impúxose por 3-0, con goles de Adrián Joga, Lucas Martínez e Adrián Meno. Con esta vitoria, o club limián resarcíase da derrota na final do ano pasado.
Tras este torneo, o Antela xa prepara o seu debut en liga, que será o próximo día 13 en Vigo fronte ao Rápido de Bouzas.
A clasificación final do torneo foi a seguinte:
- Campión: Antela.
- Subcampión: Raio 21.
- 3º posto: Barbadás (gañou ao Ourense C.F. na final de consolación).
- 5º posto: Sporting Celanova (superou ao Verín).
- Resto da táboa: Purísima (7º), Maceda (8º), Velle (9º), Escolas de Xinzo (10º), Polígono (11º) e Pereiro de Aguiar (12º).
