Os deputados do PP, Cristina Campero e Miguel Viso, visitaron a explotación gandeira Balín, en Verea, para informar sobre as novas axudas da Xunta destinadas á cría de razas galegas en perigo de extinción.
Estas achegas buscan apoiar aos gandeiros que traballan para preservar o noso patrimonio xenético e fixar poboación no rural. Os detalles da convocatoria son os seguintes:
- Orzamento total: 390.000 euros.
- Gando bovino: 350.000 euros.
- Gando ovino e caprino: 40.000 euros.
- Contía máxima por explotación: Ata 15.000 euros.
O diñeiro está pensado especificamente para a recría de femias e machos das razas autóctonas, garantindo así a súa supervivencia e facilitando a remuda xeracional nas granxas galegas.
