Representantes da asociación Civitas Limicorum de Xinzo de Limia asistiron esta fin de semana ao 40 aniversario da festa de recreación histórica Astures y Romanos, en Astorga.
A delegación galega, encabezada pola tesoureira Ana Lozano e o secretario Carlos González, participou na recepción oficial ás tropas e convidados. A viaxe serviu para estreitar lazos entre ambas as organizacións, que comparten unha filosofía de traballo moi semellante:
- Son eventos centrados na recreación histórica.
- Están organizados por asociacións culturais, sen depender das administracións públicas.
- Mantén o espírito da Festa do Esquecemento de Xinzo.
Desde a directiva da Civitas Limicorum agradecen o trato recibido en Astorga e confirman que seguirán colaborando para poñer en valor o seu pasado común e o traballo altruísta que permite organizar estas celebracións.
